راولپنڈی (اکمل شہزاد ، سٹاف رپورٹر)پی آئی اے میں مالی بحران کی وجہ سے ٹیکنیکل ملازمین دیگر ایئر لائنز میں نوکریاں تلاش کرنے لگے، قومی ایئر لائن کو پہلے ہی ٹیکنیکل سٹاف کی کمی کا سامنا ہے دوسری جانب تین ماہ سے جاری مالی بحران اور فضائی آپریشن کے متاثر ہونے سے ملازمین میں تشویش پائی جاتی ہے ، ملازمین اپنے مستقبل کے حوالے پریشان ہیں ، گزشتہ روز پی آئی اے کی کینڈا جانے والی پرواز کے فضائی مہمان لاپتہ ہو گئے اس سے قبل بھی کئی دفعہ فضائی مہمان بیرونی ممالک میں پہنچ کر غائب ہو جاتے ہیں اطلاعات کے مطابق کینیڈا میں سلپ ہونے والوں میں کیبن کریو خالد آفریدی اور فدا حسین شاہ شامل ہیں اور دونوں فضائی میزبانوں کے سلپ ہونے پر کینیڈا کی مقامی اتھارٹی سے رابطہ کیا گیا ہے،ترجمان پی آئی اے کے مطابق تحقیقات مکمل ہونے پر دونوں کے خلاف ضابطے کی سخت کارروائی کی جائے گی۔