شیخوپورہ (نمائندہ نوائے وقت)ڈکیتی چوری کی وارداتوں کے دوران مزاحمت پر فائرنگ سے ایک شہری زخمی ہو گیا۔ تھانہ سٹی بی ڈویژن کے علاقہ جنڈیالہ روڈ پر 2ڈاکو دکاندارزین کو یرغمال بنا کر غلے سے1لاکھ روپے لوٹ کرفرار ہو گئے،تھانہ ہاؤسنگ کالونی کی حدود میں 2 ڈاکو عبدالعزیز سے 5 ہزار روپے اور موبائل لے گئے، تھانہ فیکٹری ایریا کے علاقہ میں ڈاکوراہگیروں سے لوٹ مار کررہے تھے کہ ڈولفن اہلکاروں کو دیکھتے ہی موٹرسائیکل سوار ڈاکوؤں نے فائرنگ کر دی گولی لگنے سے ایک راہگیر شدیدزخمی ہوگیا، فیض پورہ غازی کوٹ کے قریب ڈاکوؤں نے علی رضا 4 ہزار روپے ، دستاویزات، کارڈ وغیرہ چھین لئے ۔ تھانہ مانانوالہ کے علاقہ میں مسافر وں کے روپ میں سوارڈاکوؤں نے وین کو ویرانے میں لے جاکر مسافروں سے لاکھوں روپے اور موبائل فونز چھین لئے ۔ تھانہ سٹی بی ڈویژن کے علاقہ میں ڈکیتی مزاحمت پر اقبال اوراسکے ساتھیوں نے ڈاکوؤں کو پکڑ کر پولیس کے حوالے کر دیا۔ تھانہ صدر شیخوپورہ کے علاقہ میں ڈاکوؤں نے حبیب اللہ کی حویلی میں ملازم عبدالرشید کو یرغمال بنا کر مال مویشی گاڑی میں لوڈ کر کے فرار ہو گئے۔