لاہور(سپورٹس رپورٹر)پاکستان کرکٹ ٹیم کے کپتان محمد رضوان کا آسٹریلیا کیخلاف پہلے ٹی ٹونٹی میں شکست کے بعد کہا کہ میکسویل کی بیٹنگ نے میچ میں فرق ڈالا، بارش ہمارے کنٹرول میں نہیں، ہم نے پوری جان لڑائی۔پورا میچ بڑا تیز تھا،میکسویل نے بڑی اچھی بیٹنگ کی، مجھے اپنے بائولرزپر پورا اعتماد ہے، اس طرح کے میچ کسی چیز کی پیش گوئی نہیں کر سکتے۔ٹاس جیت کر بائولنگ کا فیصلہ اس لیے کیا کہ آسٹریلیا کو کم سے کم رنز تک محدود کرنے کی کوشش کریں۔ بائولرز نے پوری جان لڑا ئی ہے، ہماری ٹیم میں کمزوریاں ہیں، جب جیتتے بھی ہیں تب بھی اپنی غلطیوں کو دیکھتے ہیں‘اب بھی دیکھیں گے۔بائولرز نے ہمیشہ پرفارم کیا اور ساتھ میں بیٹرز نے بھی پرفارم کیا، بارش ہمارے کنٹرول میں نہیں ہے، ہم نے پوری جان لڑائی۔ میکسویل کی گیم ہی ایسی ہے چاہے ون ڈے ہو یا ٹی ٹونٹی میچ ،اس کی بیٹنگ نے میچ میں فرق ڈالا ،ابھی ہم اچھے کھلاڑی تلاش کر رہے ہیں اور بہترین پلیئنگ الیون تشکیل دینے کی کوشش کر رہے ہیں۔