لاہور(سپورٹس رپورٹر)پاکستان شاہینز نے سری لنکا اے کو سیریز کے پہلے چار روزہ میچ میں 7وکٹوں سے شکست دیدی ۔ مہمان سر ی لنکا اے ٹیم دوسری اننگز میں 364رنز پر آئوٹ ہوگئی۔خرم شہزاد نے پانچ کھلاڑیوں کو آئوٹ کیا ۔ پاکستان شاہینز کو 222ر نز کا ہدف ملا جو تین وکٹوںپر پورا کرلیا۔ کپتان محمد ہریرہ نو ‘عبد الفصیح بائیس اور محمد سلیمان 86رنز آئوٹ ہوئے ۔ علی زریاب83اور حیدر علی 19رنز پر ناقابل شکست رہے ۔ سری لنکا اے نے پہلی اننگز میں 115جبکہ پاکستان شاہینز نے 258رنز بنائے تھے ۔