قصور (نمائندہ نوائے وقت) ٹریفک حادثہ میں 2 لڑکے جاں بحق ہو گئے۔ قصور کے علاقے کھارا مور پر ایک افسوسناک حادثہ پیش آیا جس میں ایک موٹر سائیکل اور کوسٹر کے درمیان آمنے سامنے تصادم ہوا۔ موٹر سائیکل نمبر LER-8393 رائیونڈ کی جانب سے قصور آ رہی تھی، جبکہ کوسٹر نمبر TAB-572 قصور سے رائیونڈ جا رہی تھی۔ دونوں گاڑیاں کھارا مور کے قریب ایک دوسرے سے ٹکرا گئیں جس کے نتیجے میں موٹر سائیکل سوار دو لڑکے موقع پر ہی جاں بحق ہو گئے۔