گوجرانوالہ ‘قلعہ دیدار سنگھ(نمائندہ خصوصی) گیپکو کے عالم چوک گرڈ سٹیشن کے کنٹرول روم میں شارٹ سرکٹ سے آگ بھڑک اٹھی ۔پاور ٹرانسفارمر بھی جل گیا‘گوجرانوالہ سٹی اور ایک سو سے زائد دیہات کو بجلی کی فراہمی معطل اعلی ٰ افسران اطلا ع ملتے ہی موقع پر پہنچ گئے‘ریسکیو کی ٹیموں نے آگ پر قابو پا لیا متبادل گریڈ سے بجلی کی بحالی کا عمل شروع کر دیا گیا۔انکوائری کمیٹی تشکیل دے دی گئی بتایا گیا ہے کے گزشتہ روز صبح پونے نو بجے گیپکو کے عالم چوک میں واقع کالج روڈ گریڈ اسٹیشن کے کنٹرول روم میں شارٹ سرکٹ کی وجہ سے آگ بھڑک اٹھی جس نے کنٹرول روم سمیت متعدد دفاتر کو بھی اپنی لپیٹ میں لے لیا۔