جواں مردی کا عمر کے ساتھ کوئی تعلق نہیں، اسی کہاوت کو سچ ثابت کرنے کے لئے برطانیہ کےشہری سوسالہ فوجاسنگھ نے ورلڈ ریکارڈ بنانے کے لئے دوڑ میں حصہ لینے کا اعلان کیا ہے اور اس مقصد کے لئے ریہرسل میں بھی شرکت کی۔انیس سوگیارہ میں پیدا ہونے والے فوجا سنگھ اتوار کے روز ہونے والےاس مقابلےمیں بیالیس کلومیٹر لمبی ریس میں دوڑیں گے۔ بیوی اور بیٹے کی موت کے بعد نواسی برس کی عمر میں مقابلوں میں حصہ لینے والے فوجا سنگھ اس سے قبل دوہزارتین میں بھی بانوے برس کی عمرمیں نائنٹی پلس کی کیٹیگری میں پانچ گھنٹے اورچالیس منٹ میں یہ فاصلہ طے کرکے عالمی ریکارڈ بناچکے ہیں۔