آئرش ہیرو لیام نیسن کی فلم ٹیکن ٹو دوکروڑ ڈالر سے زائد بزنس کے ساتھ دوسرے ہفتے بھی باکس آفس پرچھائی رہی.

فرانسیسی فلم ٹیکن ٹو کو اولیور میگاٹن نے ڈائرکٹ کیا ہے جس میں آئرش ہیرو لیام نیسن کے مد مقابل امریکی اداکارہ میگی گریس نے مرکزی کردار ادا کیا۔ لیام نیسن فلم میں امریکی خفیہ ایجنسی سی آئی اے کے سابق ایجنٹ کا کر دار ادا کر رہے ہیں۔ فلم دو ہزار آٹھ میں ریلیز ہونے والی فلم "ٹیکن" کا سیکوئل ہے۔ تین اکتوبرکوریلیز ہونے کے بعد فلم نے دنیا بھرمیں اپنی کامیابی کے جھنڈے گاڑ دیئے۔ "ٹیکن ٹو" امریکا اور کینیڈا کے باکس آفس پر مسلسل دوسرے ہفتے بھی فلم بینوں کو اپنی جانب متوجہ کرنے میں کامیاب رہی۔ اور اب تک دو کروڑ پانچ لاکھ ڈالر کا بزنس کر چکی ہے۔ فلم بینوں کو سینما گھروں کی جانب کھینچنے والی دوسری مووی "آرگو" رہی جو ریلیز کے بعد سے دو کروڑ ڈالرکا بزنس کرچکی ہے جبکہ تیسرے نمبرپرفلم سینسٹر رہی جو اب تک ایک کروڑ اسی لاکھ ڈالر کا بزنس کرچکی ہے۔