پاکستان امن پسند ملک ہے, بھارت پاکستان پر الزام تراشیاں کرکے مسئلہ کشمیر سے دنیا کی توجہ ہٹھانا چاہتا ہے: ایڈمرل ذکااللہ

کاکول میں پی ایم اے کی پینتیس ویں گریجویٹ کورس کی پاسنگ آؤٹ پریڈ کی تقریب ہوئی۔ نیول چیف ایڈمرل ذکاءاللہ نے بہترین کارکردگی دکھانے والے کیڈٹس میں اعزازات تقسیم کئے۔ ۔اس موقع پر خطاب میں ایڈ مرل ذکااللہ کا کہنا تھا کہ کیڈٹس کی شاندار کارکردگی انکے والدین اور انسٹرکٹرز کیلئے باعث فخر ہے۔ دوست ممالک کے کیڈٹس کی شمولیت بھی ہمارے لیےاعزاز کی بات ہے۔ پاک فوج کی شاندارتقریب میں شرکت پر انتہائی خوشی ہے۔ پاکستانی تاریخ سیکیورٹی فورسز کے کارناموں اور قربانیوں سے بھری ہے۔ انکا کہنا تھا کہ سیکیورٹی فورسز چیلنجز سے خوش اسلوبی سے نمٹ رہی ہیں۔ کیڈٹس پر وطن کے دفاع کی مقدس ذمے داری عائد ہے ۔ پوری طاقت سے ملکی سرحدوں کی حفاظت کریں گے۔ نیول چیف کا کہنا تھا کہ پاکستان امن پسند ملک ہے پاکستان ہمسایوں سے خوشگوار تعلقات کا خواہاں ہے لیکن ملکی سالمیت پر کوئی سمجھوتہ نہیں کریں گے۔