لاہور (سپیشل رپورٹر)جمعیت علماءپاکستان کے زیر اہتمام ” ختم نبوت سیمینار“ آج(15اکتوبر)بروز اتوا ر کو لاہور پریس کلب میںہو گا ۔ سیمینار میں فاتح ختم نبوت امام شاہ احمد نورانی، مولانا عبدالستار خان نیازی اوردیگر اکابرین کی مسئلہ ختم نبوت کے حل اور قادیانیت کے سد باب کے لئے خدمات پر خراج تحسین پیش کیا جائے گا۔جمعیت علماءپاکستان کے زیر اہتمام اس سیمینار میں شہر بھر سے عاشقان مصطفےٰ شرکت کریں گے۔
کانفرنس میں صاحبزادہ پیر سید ذیشان المجتبیٰ، اور پیرصوفی گلزار احمد سیفی کی خصوصی شرکت اور جمعیت علماءپاکستان کے سربراہ علامہ قاری محمد زوار بہادر،پروفیسر ڈاکٹر جاوید اعوان ،مفتی محمد تصدق حسین ،حافظ نصیر احمد نورانی،علامہ اظہر حسین فاروقی،ملک محبوب الرسول قادری،رشید احمد رضوی،صاحبزادہ غلام مصطفےٰ سلطانی کے علاوہ جید علماءکرام و مشائخ عظام، ممتاز دانشور اور مذہبی و سیاسی قائدین خطاب کریں گے۔