ملتان (سپورٹس رپورٹر) سری لنکا کے خلاف پہلے ون ڈے میں پاکستانی ٹیم کے باؤلرز‘ بیٹس مینوں اور فیلڈرز کی سخت محنت سے فتح یقینی ہوئی۔ پاکستانی ٹیم نے گراؤنڈ میں اترتے ہی دباؤ برقرار رکھا۔ پاکستانی کھلاڑیوں نے ذمہ دارانہ شارٹس کھیلے اور بہترین باؤلنگ‘ بیٹنگ اور فیلڈنگ کا مظاہرہ کیا۔ ان خیالات کا اظہار فیضان علوی‘ راشد علی نے نوائے وقت فورم سے گفتگو کرتے ہوئے کیا۔ انہوں نے کہا کہ سری لنکا کی ٹیم پہلے اوورز سے ہی دباؤ کا شکار نظر آئی۔ باؤلرز کی بہترین اور آؤٹ کلاس باؤلنگ نے سری لنکن بیٹس مینوں کو پویلین کی راہ دکھائی۔ عمران رضا‘ عمیر اکرم اور بلال نے کہا کہ ٹیم ورک ہو تو کوئی ٹیم پاکستانی ٹیم کو ہرا نہیں سکتی۔ پاکستان میں اس قدر ٹیلنٹ ہے کہ کوئی ٹیم اس کا مقابلہ نہیں کر سکتی۔ ٹیم کے لئے حوصلہ مند باصلاحیت ایسے کھلاڑیوں کا انتخاب کریں جو ملک و قوم کا نام روشن کر سکیں۔ کھلاڑی منفی سرگرمیوں اور گروپنگ کی بجائے نظم و ضبط اور محنت کو شعار بنائیں۔