وائلڈ لائف ویجیلینس سکواڈ نے 7عقاب دبئی سمگل کرنے کی کوشش ناکام بنا دی

لاہو+راولپنڈی(سپورٹس رپورٹر) محکمہ وائلڈ لائف کے ویجیلینس سکواڈ نے کارروائی کر کے 7 فالکن دبئی سمگل کرنے کی کوشش ناکام بنادی، ملزم نے پرندوں کو ٹریولر بیگ کے خفیہ خانوں میں چھپا رکھا تھا۔ ویجیلنس سکواڈ کے سربراہ کو خفیہ اطلاع ملی کہ ملزم عباس فدیل احمد جو کہ عراقی باشندہ ہے خفیہ طور پر اسلام آباد ائرپورٹ سے ابوظہبی پرندے سمگل کر رہا ہے جس پر ویجیلنس سکواڈ نے کسٹم حکام اور سول ایوی ایشن حکام کی مدد سے کارروائی کرکے ٹریولر بیگ کے خفیہ خانوں میں مہارت سے چھپائے گئے 7 فالکن برآمد کر لئے اور ملزم کو گرفتار کر لیا۔ کل صبح ملزم کو عدالت میں پیش کر کے مزید احکامات حاصل کئے جائیں گے۔ یاد رہے کہ قبل ازیں یہی ملزم عباس 30 جنوری 2018 ء کو علامہ اقبال انٹرنیشنل ایئر پورٹ لاہور سے 6 فالکن پرندے دبئی سمگل کرتے ہوئے رنگے ہاتھوں پکڑا گیا تھا۔