لاہور (سپورٹس رپورٹر) پنجاب سکواش ایسوسی ایشن کے زیراہتمام انٹرنیشنل مین اینڈ ویمن سکواش ٹورنامنٹ 2018ء کے دوسرے دن خواتین کے مقابلے بھی شروع ہوئے۔ پیر مردوں کے کوارٹرفائنلز ہوں گے۔ خواتین کے مقابلوں کے پہلے میچ میں فرانس کی ملیسا ایلوس نے پاکستان کی سعدیہ گل کو 11/1, 11/4, 11/7 سے 11 منٹ میں ہرا دیا۔ دوسرے میچ میں مصر کی مینا نصیر انے پاکستان کی فہمینہ عاصم کو 11/4, 11/3, 11/0 سے 18 منٹ میں ہرا دیا۔ تیسرے میچ میں مصر کی فرح مومن نے پاکستان کی زویا خالد کو 11/3, 11/4, 7/11, 1/1 سے 19 منٹ میں ہرا دیا۔ چوتھے میچ میں پاکستان کی رفعت خان نے اپنی ہم وطن نور الہٰدی کو 11/4, 11/9, 11/8 سے 16 منٹ میں ہرا دیا۔ مردوں کے پہلے مقابلے میں پاکستان کے فرحان محبوب نے ہانگ کانگ کے چی ہم وانگ کو 11/6, 14/16, 11/5, 4/11, 11/9 سے 53 منٹ میں ہرا دیا۔ دوسرے میچ میں ملائیشیا کے ایون یون نے ہانگ کانگ کے تیز منگ ہانگ کو 11/3, 11/6, 11/9 سے 25 منٹ میں ہرا دیا۔ تیسرے میچ میں فرانس کے اگسٹا ڈیسورٹ نے پاکستان کے عماد فرید کو 9/11, 12/10, 11/4, 11/4 سے 48 منٹ میں ہرا دیا۔