لاہور( سپورٹس رپورٹر)آفتاب قرشی ٹی ٹونٹی کرکٹ ٹورنامنٹ کے لیگ میچ میں آفتاب قرشی صندل نے شعیبی کرکٹ اکیڈمی کو 190 رنز سے شکست دے دی۔ماڈل ٹاون سوسائٹی کلب گراونڈ پر ٹاس جیت کر پہلے کھیلتے ہوئے آفتاب قرشی صندل نے سات وکٹوں کے نقصان پر 303 رنز بنائے۔راو خیام عباس نے شاندار 141 رنز بنائے، حمزہ نذر 53، رئیس احمد 51 رنز بناکر نمایاں رہے ۔شعیبی اکیڈمی کے حذیفہ خان، خیام خان اور تاج محمد شعیب نے دودو کھلاڑیوں کو آوٹ کیا۔جواب میں شعیبی اکیڈمی کی ٹیم مقررہ 20 اوورز میں پا نچ وکٹوں کے نقصان پر 113 رنز بناسکی۔ہمایوں خان 47 رنز بناکر نمایاں رہے۔