کراچی (نیوزرپورٹر)جما عت اہلسنّت پاکستان نے پیپلز پارٹی سے مطالبہ کیا ہے کہ جشن ولادت ﷺ کے جلسہ ‘ جلوسوں کے دوران کسی انتظامی بحران سے بچنے کے لئے پیپلزپارٹی  اتوار کو ہونے والا جلسہ چند روز کے لئے مؤخر کردے۔ ان خیالات کا اظہار جما عت اہلسنّت پاکستان کراچی کے امیر علامہ سید شاہ عبد الحق قادری نے کراچی پریس کلب میں پریس  کانفرنس سے خطاب کرتے ہوئے کیا، بریفنگ میں  بتایا گیا کہ  کہ شہر کراچی میں مرکزی جلو س میلا د النبی ابروزمنگل 12 ربیع الاول؍۱۴۴۳ ھ بمطابق19 اکتوبر2021ئ؁  ٹھیک3؍بجے سہ پہر بولٹن مارکیٹ سے علماء و مشائخ کی قیادت میں برآمد ہوگا۔جوایم اے جناح روڈ کے راستے نشتر پارک پہنچے گا۔