ملتان( سماجی رپورٹر  )تحریک منہاج القرآن ملتان کے زیراہتمام چودھویں سالانہ مشعل بردار میلاد ریلی دولت گیٹ چوک سے شروع ہوئی۔قیادت صوبائی صدر پاکستان عوامی تحریک میاں نوراحمد سہو،ضلعی رہنما یاسر ارشاد دیوان ، سرپرست تحریک مخدوم شہباز ہاشمی،احمد قریشی ، احسان سعیدی‘ میجر محمد اقبال چغتائی،راؤ محمد عار ف رضوی،مرزاارشدالقادری،خواجہ شفیق اللہ صدیقی البدری،رکن الدین ندیم حامدی سمیت تحریک منہاج القرآن اور متحدہ میلاد کونسل کے قائدین نے کی۔ میاں نوراحمد سہو اوریاسرارشاد دیوان نے کہا کہ اللہ پاک نے اپنے حبیبؐکو ہمارے درمیان مبعوث فرما کر احسان عظیم فرمایا،یہی وجہ ہے کہ ولادت ِ مصطفیٰؐ کی خوشی کائنات کی سب سے بڑی خوشی ہے۔پوری امت مسلمہ اس خوشی کو منانے کا خصوصی اہتمام کرتی ہے۔