نمل،دی فاضیہ ایجوکیشن سسٹم سکول کے طلبا وطالبات کے وفد کا پارلیمنٹ ہا ؤس کا دورہ

اسلام آباد(نا مہ نگار)نیشنل یونیورسٹی آف ماڈرن لینگویچ(NUML) اور دی فاضیہ ایجوکیشن سسٹم سکول E-9 اسلام آباد کے اساتذہ اور طلبا  وطالبات پر مشتمل وفود نے جمعہ کو پارلیمنٹ ہا ؤس کا دورہ کیا۔ ایوان بالا کے اعلی حکام نے وفود کو خوش آمدید کہا اور وفود کو سینیٹ میوزیم کا دورہ کرایا گیا۔ وفود کو ایوان بالا کے کام کے طریقہ کار، قانون سازی اور فکشنز کے حوالے سے ڈاکومنٹری بھی دکھائی گئی۔ سینیٹ میوزیم میں ملک کے ممتاز سیاستدانوں کے مجسموں اور تاریخی تصاویر میں وفود نے دلچسپی کا اظہار کیا اور ایوان بالا کے حکام کا شکریہ ادا کیا۔بعدازاں وفود نے ایوان بالا کی کارروائی بھی دیکھی۔