اسلامی جمعیت طلبہ جامعہ کے زیر اہتمام پنجاب یونیورسٹی میں 3 روزہ پائینیر پریمئر لیگ 

لاہور(سپیشل رپورٹر) اسلامی جمعیت طلبہ جامعہ پنجاب کے زیر اہتمام پنجاب یونیورسٹی میں 3 روزہ پائینیر پریمئر لیگ کا انعقاد کیا گیا۔ جس میں پنجاب یونیورسٹی کے ہزاروں طلبہ نے شرکت کی۔ 150 سے زائد ٹیموں نے کرکٹ، فٹبال اور کبڈی کے مقابلوں میں حصہ لیا۔ پائینیر لیگ کی اختتامی تقریب میں شاندار آتش بازی کا مظاہرہ کیا گیا۔ ناظم اعلیٰ شکیل احمد نے اختتامی تقریب سے خطاب کرتے ہوئے کہا کہ پائینیر لیگ میں طلبہ کا جوش و خروش اس بات کا واضح ثبوت ہے کہ پنجاب یونیورسٹی کے طلبہ نصابی سرگرمیوں کے ساتھ ساتھ غیر نصابی سرگرمیوں میں بھی پیش پیش ہیں۔