مینا قربان فانی 
دیکھ ،  الزام   نہ    لگا   مرشد
تو  مرا تھا   ہی  کب  بتا  مرشد
مجھ کو  ایمان اب نہیں  تجھ  پر
کیسے کہہ دوں  تجھے خدا  مرشد
بت کو پوجیں گے اب صنم کہہ کر
اب نہیں تجھ  سے  واسطہ  مرشد
جن صحیفوں میں  ذکر  تھا  تیرا
میں  نے  ان   کو  دیا  جلا  مرشد
حال  دل  سن  کبھی  یہاں  آ  کر
تجھ کو بتلائوں تو ہے  کیا  مرشد 
مسجدوں میں تو بڑے چرچے ہیں
ٹوٹے دل میں بھی  کبھی آ  مرشد
تیرا محشر میں بھرم رکھ  لونگی
مجھ کو جلوہ کبھی  دکھا مرشد
٭…٭…٭