تیاریاں مکمل ،پولنگ صبح 8 سے بغیر کسی وقفہ کے شام 5 بجے تک جاری رہے گی
قومی اسمبلی کے 8 اور پنجاب اسمبلی کے 3 حلقوں میں ضمنی انتخابات کل(اتوار کو) ہوں گے، تیاریاں مکمل کرلی گئیں۔قومی اسمبلی کے حلقہ این اے 22 مردان،این اے 24 چارسدہ،این اے 31 پشاور،این اے 108فیصل آباد، این اے 118ننکانہ صاحب، این اے 157ملتان، این اے 237ملیر کراچی اور این اے 239کورنگی کراچی شامل ہیں۔پنجاب اسمبلی کے حلقے پی پی 139شیخوپورہ، پی پی 209خانیوال اور پی پی241بہاولنگر میں بھی ضمنی انتخاب کل(اتوار کو) ہوگا۔پولنگ صبح 8سے بغیر کسی وقفہ کے شام 5بجے تک جاری رہے گی۔ رینجرز، ایف سی اور پاک فوج کی تعیناتی کا نوٹیفکیشن جاری کردیا گیا ۔
