قومی کرکٹ ٹیم کے کپتان بابر اعظم نے اپنی 28 ویں سالگرہ ٹی 20 ورلڈ کپ میں شریک ٹیموں کے کپتانوں کے ہمراہ منائی۔آئی سی سی ٹی 20 ورلڈ کپ کے لیے میلبورن میں موجود بابراعظم نے اپنی سالگرہ دیگر ٹیمو٘ں کے کپتانوں کے ساتھ منائی۔ورلڈ کپ سے قبل تمام کپتانوں کا گروپ فوٹو شوٹ کیا گیا۔ فوٹو شوٹ کے بعد قومی کپتان بابر اعظم نے اپنی سالگرہ کا کیک کاٹا۔ دیگر ٹیموں کے کپتانوں نے نیک خواہشات کا اظہار کیا۔آئی سی سی نے بابر اعظم کو سالگرہ مبارکباد دیتے ہوئے آفیشل ٹوئٹر اکاونٹ پر تصویریں شیئر کیں۔ بابراعظم کے لیے خصوصی  طور پر سبز رنگ کا کیک بنوایا گیا۔ کیک کے اوپر کرکٹ پچ اور وکٹیں بنائی گئی تھیں۔آئی سی سی ٹی ٹوئنٹی ورلڈ کپ کے لیے ہونے والے  تعرفی سیشن میں بھی ایرون فنچ نے  بابراعظم کو کیک پیش کرکے سالگرہ کی مبارکباد دی۔