پاکستان بھارت میچ سے قبل میوزیکل شو‘ نشر نہیں کیاگیا

 لاہور(سپورٹس رپورٹر)آئی سی سی ورلڈ کپ 2023 میں پاکستان اور بھارت کے ہائی وولٹیج ٹاکرے سے قبل خصوصی میوزیکل نشر نہیں کیا گیا۔ گلوکار ارجیت سنگھ، شنکر اور نیہا ککڑ نے آواز کا جادو جگایا جبکہ س±پر سٹار امیتابھ بچن اور رجنی کانت سمیت کئی بالی ووڈ کے نامور ستارے بھی جگمگائے۔تقریب سے گراو¿نڈ میں بیٹھے شائقین ہی محظوظ ہوتے رہے جبکہ اسے دنیا بھر میں موجود شائقین نہ دیکھ سکے۔ ورلڈ کپ کی افتتاحی تقریب سکیورٹی خدشات کی بنیاد پر منسوخ کردی گئی تھی۔ میچ کے اننگز بریک میں بھی میوزک کا تڑکا لگ گیا۔ پاکستان کی اننگز کے اختتام پر میوزک کنسرٹ ہوا، جس میں سب سے پہلے درشن راول جلو گر ہوئے۔ گلوکارہ نیہا ککڑ نے بھی اپنی آواز کا جادو جگایا۔