ڈاکو شہریوں سے لاکھوں روپے‘قیمتی سامان لوٹ کر فرار

لاہور(نامہ نگار)شہر کے مختلف علاقوں میں ڈاکوو¿ں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا ۔ تفصیلات کے مطابق ڈاکوو¿ں نے سندر میں رفیق کے گھر گھس کراہلخانہ کو گن پوائنٹ پر یرغمال بنا کر6 لاکھ روپے ‘ زیورات، موبائل فون اور دیگر سامان،باغبانپورہ میں عقیل اور اس کی فیملی سے 5لاکھ روپے، زیورات اور موبائل فون،نصیر آباد میں اجمل سے 3 لاکھ 10 ہزار روپے اورموبائل فون، مصطفی ٹاو¿ن میں احد سے 3 لاکھ 70 ہزار روپے اور موبائل فون، ہنجروال میں تے نصیر سے 2 لاکھ 60 ہزار روپے اور موبائل فون، کوٹ لکھپت میں شاہ دین سے ایک لاکھ 30 ہزار روپے اور موبائل فون، گجر پورہ میں نعمان سے 31ہزار روپے اور موبائل فون لوٹ لیا اورفرار ہوگئے ہیں۔ چوروں نے ہنجروال، ڈیفنس اور مانگا منڈی سے 3 گاڑیاں جبکہ برکی، ریس کورس، مزنگ، لوئر مال، راوی روڈ، فیکٹری ایریا اور گارڈن ٹاو¿ن کے علاقوں میں سے 7 موٹرسائیکل چوری کرلئے گئے۔