نوشہرہ: خستہ کمرے کی چھت گر گئی، ایک خاندان کے 4 افراد جاں بحق

نوشہرہ (نوائے وقت رپورٹ) نوشہرہ میں بارش سے کمرے کی خستہ حال چھت گر گئی۔ جس کے نتیجے میں ایک ہی خادان کے چار افراد جاں بحق ہو گئے۔ افسوسناک واقعہ شیخی شریف خیل میں پیش آیا جہاں چھت کے ملبے تلے دب جانے سے چار افراد جں بحق جبکہ 2 زخمی ہوئے ہیں۔ ڈی ایس پی نوشہرہ کے مطابق ایک ہی گھر میں دو بھائی رہائش پذیر تھے۔ جاں بحق ہونے والوں میں دو خواتین اور دو بچے شامل ہیں۔ گاﺅں کے لوگوں نے اپنی مدد آپ کے تحت جاں بحق اور زخمیوں کو چھت کے ملبے سے نکالا۔ جاں بحق اور زخمیوں کو قاضی حسین احمد میڈیکل کمپلیکس نوشہرہ منتقل کر دیا گیا۔