اچھا ہوتا مودی خود ایس سی او اجلاس میں آتے‘‘: نواز شریف 

لاہور (نوائے وقت رپورٹ) نواز شریف نے بھارتی چینل کو انٹرویو میں کہا ہے کہ بھارت کے ساتھ اچھے تعلقات کا ہمیشہ خواہاں رہا ہوں۔ دونوں ملکوں کے درمیان تعلقات بحالی کی راہ کھلنے کی امید ہے۔ ’’اچھا ہوتا نریندر مودی خود ایس سی او اجلاس میں شرکت کرتے‘‘ امید کرتا ہوں ہم  آپس میں جلد ملاقات کریں گے۔ نواز شریف سے ڈاکٹر ذاکر نائیک نے ملاقات کی۔ نواز شریف نے ڈاکٹر نائیک کی دینی خدمات کو سراہا۔ قبل ازیں نواز شریف اور مریم نواز  سے بھارتی صحافی برکھادت نے ملاقات کی ہے۔