دوسرا ٹیسٹ: انگلینڈ کیخلاف پاکستانی11 رکنی ٹیم کا اعلان، 3سپنرز شامل 

لاہور(سپورٹس رپورٹر) سیریز کے دوسرے ٹیسٹ میچ کیلئے پاکستان نے انگلینڈ کیخلاف 11 رکنی ٹیم کا اعلان کر دیا ہے۔ دوسرے ٹیسٹ کیلئے ٹیم میں کسی بھی سپیشلسٹ فاسٹ بولر کو شامل نہیں کیا گیا۔ پاکستان ٹیم 3 سپیشلسٹ سپنرز کے ساتھ کھیلے گا جبکہ آل راؤنڈر عامر جمال پیس اٹیک کرینگے۔ ٹیم میں 4 تبدیلیاں کرتے ہوئے کامران غلام، نعمان علی، زاہد محمود اور ساجد خان کو شامل کیا گیا ہے۔ کامران غلام ٹیسٹ میں ڈیبیو کریں گے۔ بقیہ کھلاڑیوں میں کپتان شان مسعود، صائم ایوب، عبد اللہ شفیق، سعود شکیل، محمد رضوان اور آل راؤنڈر سلمان علی آغا ٹیم کا حصہ ہیں۔ قبل ازیں پاکستان کرکٹ ٹیم کے اسسٹنٹ کوچ اظہر محمود کا کہنا تھا کہ بابر اعظم کو ڈارپ نہیں کیا گیا بلکہ آرام دیا گیا ہے اور وہ آرام کے بعد تازہ دم ہو کر آئیں گے۔ واضح رہے کہ پاکستان اور انگلینڈ کے درمیان سیریز کا دوسرا ٹیسٹ میچ آج سے شروع ہوگا۔