پاکستانی ٹینس پلیئر گلوبل انکاؤنٹر فیسٹیول جوبلی گیمز کیلئے منتخب

لاہور(سپورٹس رپورٹر) پاکستان کے ٹینس پلیئر مستنصر علی خان گلوبل انکاؤنٹر فیسٹیول جوبلی گیمز کیلئے منتخب ہوگئے۔ مستنصر علی خان کا تعلق گلگت  بلتستان سے ہے جو آغا خان یوتھ اینڈ سپورٹس بورڈ کے پلیٹ فارم سے کھیلتے ہیں۔ ترجمان پاکستان ٹینس فیڈریشن کے مطابق مستنصر علی خان گلگت کے پہلے قومی کھلاڑی ہیں جو گزشتہ 5 سال سے پی ٹی ایف کے زیر اہتمام ٹریننگ حاصل کر رہے ہیں۔ پاکستان ٹینس فیڈریشن کے صدر اعصام الحق نے مستنصر علی خان کو مبارک باد دی ہے۔ گلوبل انکاؤنٹر فیسٹیول جوبلی گیمز اگلے سال دبئی میں ہوں گی۔