لاہور (نیوز رپورٹر)اسلام میڈیکل کالج سیالکوٹ کے آڈیوٹوریم میں ستارہ امتیازکے حامل پروفیسر عیص محمد کی سوانح عمری'دی ٹیل آف میں لائف اینڈ ٹائم'کی پرتباک تقریب رونمائی ہوئی۔ چیئرمین بورڈ آف گورنرزگرینڈ ایشن یونیورسٹی محمد اسلام ، وائس چانسلرگرینڈ ایشین یونیورسٹی پروفیسر مجاہد کامران ، اسلام میڈیکل کالج کے پرنسپل پروفیسر ضمیر احمد نے شرکت کی۔ پاکستان سوسائٹی آف انٹرنل میڈیسن کے صدر پروفیسر جاوید اکرام مہمان خصوصی تھے۔ شرکاء نے پروفیسر عیص محمد کی خدمات کو سراہا۔ چیئرمین اسلام میڈیکل کالج اور گرینڈ ایشن یونیورسٹی محمد اسلام نے کہا یہ کتاب نئی نسل کیلئے کسی مشعل راہ سے کم نہیں۔ معزز مہمانوں کے تہہ دل سے مشکور ہیں۔