فیروزوالہ:وارداتیں، شہری لاکھوں  کی نقدی،قیمتی سامان سے محروم 

فیروزوالہ(نامہ نگار) کوٹ عبدالمالک کے قریب ڈاکوؤں نے لوٹ مار کے دوران مزاحمت پر فائرنگ کرکے نوجوان عنصر کو زخمی کر دیا۔ ڈاکو  شہریوں سے لاکھوں روپے کی روپے رقم لوٹ کرفرار ہو گئے۔ ایک فیکٹری کا منیجر عابد شریف 20 لاکھ روپے رقم لے کر فیکٹری سے بینک آ رہا تھا کوٹ عبدالمالک پرانا ٹول پلازہ کے قریب ڈاکوؤں نے روک کر اسے لوٹ لیا۔ ڈاکو اس سے 20 لاکھ روپے کی رقم چھین کر لے گئے۔ اسی علاقہ میں ڈاکوؤں نے ڈکیتی کی واردات کے دوران مزاحمت پر فائرنگ کر کے نوجوان عنصر کو شدید زخمی کر دیا جسے طبی امداد کیلئے ہسپتال داخل کرا دیا۔ ڈاکوؤں نے سٹور میں داخل ہو کر دکان کے مالک تاجر اسلام الحق کو جان سے مار دینے کی دھمکی دیکھ کر لوٹ لیا۔ ڈاکو 9 لاکھ روپے کی کی رقم  چھین کرلے گئے۔ ڈاکوؤں نے زمیندارکے گھر داخل ہو کر 30لاکھ روپے مالیت کے زیورات نقدی لوٹ کر لے گئے۔