کراچی ( اسپورٹس رپورٹر ) کراچی ساؤ تھ انڈر 14 اور انڈر 16 مین اور وومن باکسنگ ٹور نا منٹ میزبان شہید زائد حسین بلوچ باکسنگ کلب نے جیت لیا۔ مہمان خصوصی نیشنل کوچ علی بخش بلوچ تھے نے کامیاب باکسروں میں انعامات تقسیم کئے۔ علی بخش بلوچ نے تقریب سے خطاب کرتے ہوئے کہا کہ ہمارے نوجوانوں باکسنگ کے ذریعے دنیا بھرمیں پاکستان کے سبز ہلالی پرچم کو بلند رکھا ہے اور انشاء اللہ آئندہ بھی وطن کا نام اسی طرح روشن کریں گے۔ ایک روزہ ہونے والے مقابلوں میں انڈر 14کلاس میں سکندر،جنیدٹھائیگر ،عامر حسین ،عبدالصمد، محسن خان ،نصیر حفیظ، جبکہ وومن باکسروں میں نصیبہ ، آرزو، اسرائ، رابعہ،مریم مراد، زینب، مدیعہ، کلثوم اوربوائز انڈر 16 میں فیضان رضا،محمد کاشف ،آفاق ،اسامہ، عزیز نے کامیابی حاصل کی۔ایونٹ میں شہید بے نظیر بھٹووومن باکسنگ اینڈ ہیلتھ کلب،شہید زائد حسین ،سیول لائن ریتی لائن قیوم آبادباکسنگ کلب، لیاری پروجیکٹ باکسنگ کلب نے حصہ لیا ۔آر گنائزر نگ سیکریٹری نور محمد قمبرانی ،ریفری ججز کے فرائص علی حیدر خان ، اسد اسمعیل،مراد بخش، محمد خالد، عبدالرؤف قریشی نے سر انجام دیا۔