لاہور(سپورٹس رپورٹر +نمائندہ سپورٹس ) کرکٹ میں پیسے کی چکا چوند نے کھلاڑیوں کے انداز بھی بدل دیئے ہیں۔آپ کو یاد ہوگا کہ پی ایس ایل کے گزشتہ سیزن میں وہاب ریاض کی مونچھوں کی خوب دھوم مچی تھی، اس کے علاوہ بھارتی آل راؤنڈر ہاردیک پانڈیا بھی بالوں کو طرح طرح کے انداز دے کر لوگوں کی توجہ حاصل کرتے ہیں۔۔ٹورنامنٹ کے آغاز سے قبل پاکستان کے نوجوان کھلاڑی حسن علی اور شاداب خان نے خود کو ایک منفرد ہیئرسٹائل دے کر سوشل میڈیا صارفین کی توجہ اپنی جانب مبذول کرلی ہے مگر اب دیکھنا یہ ہے کہ وہ اپنے کھیل سے شائقین کا دل جیت پاتے ہیں یا نہیں۔