لاہور(کلچرل رپورٹر) فلم پروڈکشن اور ڈسٹری بیوشن ادارے آئی ایم جی سی نے فنکار، ڈائریکٹر اور سٹوری ٹیلر سرمدسلطان کھوسٹ کے ساتھ ’’ کملی ‘‘ فلم کی پروڈکشن کیلئے معاہدہ کیا ہے جسے آئندہ برس 2020میں سینمائوں کی زینت بنایا جائے گا۔ فلم کی فرسٹ لک تصاویر کو سوشل میڈیا پر اب تک لاکھوں افراد دیکھ اور سراہ چکے ہیں جس میں صبا قمر انڈر واٹر سیکوئینس میں جلوہ گر ہوئی ہیں۔ صبا قمر نے بتایا کہ ’’ ہندی میڈیم ‘‘ کی شاندار کامیابی کے بعد وہ مزید بہتراور اچھی فلم کا حصہ بننا چاہتی تھیں اس لئے انہوں نے ’’ کملی ‘‘ فلم کا انتخاب کیا ہے جسے سرمد کھوسٹ جیسے منجھے ہوئے ورسٹائل فنکار پردہ سیمیں پر پیش کرر ہے ہیں۔