آسٹریلیا، جیل سے1992 میں فرار ہونے والے قیدی نے 29 سال بعد اپنی گرفتاری دے دی

آسٹریلوی ریاست نیوساﺅتھ ویلز کے شہر گریفٹن کی جیل سے1992 میں فرار ہونے والے قیدی نے 29 سال بعد اپنی گرفتاری دے دی ہے۔ آسٹریلوی ریاست نیو ساﺅتھ ویلز کی پولیس نے بدھ کو بتایا کہ 64 سالہ شخص نے فرار ہونے کے لیے 1992 میں 31 جولائی کی رات 7 بجے اور یکم اگست کی صبح 7 بجے کے درمیان مبینہ طور پر آرے اوربولٹ کٹر کا استعمال کیا اور اس وقت ملزم کی عمر 35 سال تھی اور اس وقت ملزم کی گرفتاری کی تمام کوششیں ناکام ثابت ہوئیں۔ تاہم ملزم نے 29 سال بعد سڈنی پولیس سٹیشن میں آکر اپنی گرفتاری دے دی۔ آسٹریلوی اخبار سڈنی مارننگ ہیرالڈ کے مطابق مذکورہ شخص پر ممنوعہ پودے کی کاشت کے 2 الزامات عائد ہیں ۔