آرمی چیف جنرل قمر جاوید باجوہ کا پاک فضائیہ ہیڈ کوارٹرز کا دورہ ،پاک فضائیہ کے پیشہ وارانہ امور پر بریفنگ دی گئی

 آرمی چیف جنرل قمر جاوید باجوہ نے پاک فضائیہ ہیڈ کوارٹرز کا دورہ کیا۔ پاک فوج کے شعبہ تعلقات عامہ آئی ایس پی آر کے مطابق آرمی چیف کو پاک فضائیہ کے پیشہ وارانہ امور پر بریفنگ دی گئی۔ آرمی چیف اور ایئر چیف کے درمیان ملاقات بھی ہوئی۔ ملاقات میں پیشہ وارانہ امور پر تبادلہ خیال کیا گیا۔ ملاقات میں پی اے ایف کے جاری منصوبوں پر بات چیت ہوئی ۔ آرمی چیف نے ملک کیلئے فضائیہ کی قربانیوں کو خراج عقیدت پیش کیا۔ آرمی چیف نے قانون نافذ کرنے والے اداروں سے تعاون پر پاک فضائیہ کے کردار کی تعریف کی۔جنرل قمرجاوید باجوہ نے افغانستان سے حالیہ انخلاء آپریشن کے دوران سہولت اور انسانی ہمدردی کی بنیاد پر تعاون کی فراہمی کو سراہا، آرمی چیف نے پی اے ایف کی پیشہ وارانہ تیاریوں کی تعریف کی اور پاک فضائیہ کے افسران کے جذبے کو سراہا۔