اسلام آباد (وقائع نگار) اسلام آباد ہائیکورٹ نے نور مقدم قتل کیس میں ظاہر جعفر سمیت دیگر مجرمان کی سزا کے خلاف اپیلوں کی سماعت 5 اکتوبر تک ملتوی کر دی ہے۔
کیس کی سماعت اسلام آباد ہائی کورٹ کے جسٹس عامر فاروق کی سربراہی میں دو رکنی بنچ نے سماعت کی۔ عدالت نے استفسار کیا کہ مرکزی مجرم ظاہر جعفر نے کوئی وکیل مقرر کیا ہے یا نہیں؟ اگر کوئی وکیل نہیں تو پھر عدالت وکیل فراہم کرے گی، ظاہر جعفر نے اپنا وکیل کر رکھا ہے، عدالت نے پیپر بکس مکمل کرنے کی ہدائت کرتے ہوئے سماعت 5 اکتوبر تک ملتوی کر دی۔