جمرود میں فرنٹیئر کانسٹیبلری کی چیک پوسٹ پر فائرنگ‘ اہلکار شہید‘ ایک زخمی

خیبر (این این آئی) خیبر پختون خوا کے ضلع خیبر میں فرنٹیئر کانسٹیبلری کی چیک پوسٹ پر نامعلوم افراد کی فائرنگ کے نتیجے میں ایک اہلکار شہید اور دوسرا زخمی ہو گیا۔ خیبر کی تحصیل جمرود کے علاقے گودر میں فرنٹیئر کانسٹیبلری کی چیک پوسٹ پر نامعلوم افراد نے فائرنگ کر دی۔ واقعے کے بعد ملزم فرار ہو ئے۔ فائرنگ سے2  اہلکار شدید زخمی ہو گئے، جنہیں ہسپتال منتقل کیا گیا، جہاں1  اہلکار زخموں کی تاب نہ لاتے ہوئے شہید ہو گیا۔