کراچی (نیوز رپورٹر)سندھ ہیلتھ کیئر کمیشن نے ڈینگی اور ملیریا سے متعلق ٹیسٹوں کی قیمتوں میں تقریباً 50 فیصد کمی کردی۔ سی ای او، سندھ ہیلتھ کیئر کمیشن نے سندھ میں کام کرنے والے بڑے نجی اسپتالوں اور لیبارٹریوں کی انتظامیہ کے ساتھ SHCC آفس میں ایک ہنگامی میٹنگ طلب کی جس میں مصیبت زدہ عوام کو ریلیف فراہم کرنے کے لیے حکمت عملی پر تبادلہ خیال کیا گیا۔ اجلاس میں غور کیا گیا کہ پرائیویٹ ہسپتال اور لیبارٹریز ایک ہی ٹیسٹ کے لیے مختلف قیمتیں وصول کر رہی ہیں۔ اس سلسلے میں ملیریا اور ڈینگی کے اعلیٰ حجم کے کامن ٹیسٹوں کی قیمتوں میں کمی پر تفصیلی تبادلہ خیال کیا گیا تاکہ فوری ریلیف فراہم کیا جا سکے اور مریضوں پر مالی بوجھ کو کم کیا جا سکے۔ قومی آفت اور بیماری کے دباو¿ کے پیش نظر لیبارٹریوں کی انتظامیہ نے اس وجہ کی حمایت کرنے پر اتفاق کیا اور عام ٹیسٹوں یعنی NS1 اینٹیجن، پلیٹلیٹ کاو¿نٹ ٹیسٹ (ڈینگی کے لیے) اور آئی سی ٹی ملیریا ٹیسٹ کی لاگت کو تین ماہ کے لیے تقریباً پچاس فیصد کم کرنے پر اتفاق کیا۔ وباءکے عروج کے دوران 15 ستمبر 2022 سے 15 دسمبر 2022 تک۔ ڈینگی NS1 اینٹیجن کے ٹیسٹوں کے لیے موجودہ نرخ 1460 روپے سے 3000 جو اب کم ہو کر 850 روپے کر دی گئی ہے۔ پلیٹلیٹ کاو¿نٹ کے ٹیسٹ 430روپے اور 550 روپے سے کم کر کے اب 250 روپے کر دیا گیا ہے اور آئی سی ٹی ملیریا کے ٹیسٹ کے لیے جو 800 سے 1300 روپے تک وصول کیے جارہے تھے اب 500 روپے کر دیا گیا ہے۔ سندھ ہیلتھ کیئر کمیشن نے متعلقہ نوٹیفکیشن جاری کیا اور نوٹیفکیشن کی تعمیل کے لیے لیبارٹری اور اسپتالوں کی نگرانی کے لیے ٹیموں کو بھی اختیار دے دیا ہے۔ واضح رہے کہ سندھ میں ڈینگی اور ملیریا کے کیسز میں نمایاں اضافہ ہوا ہے جن کے علاج کے دوران بار بار ٹیسٹ کی ضرورت ہوتی ہے جس میں غریب مریضوں پر بھاری مالی بوجھ پڑتا ہے۔
سندھ ہیلتھ کیئر کمیشن