دوسری سکولز اینڈ کالجز روپ سکیپنگ چیمپئن شپ آج سے شروع 

لاہور(سپورٹس رپورٹر)پاکستان روپ سکیپنگ فیڈریشن کے زیراہتمام دوسری سکولز اینڈ کالجز روپ سکیپنگ چمپئن شپ جمعرات 15 ستمبر سے کراچی میں شروع ہوگی۔ پاکستان روپ سکیپنگ فیڈریشن کے صدر مقبول آرائیں نے بتایا کہ تمام انتظامات مکمل کر لئے گئے ہیں۔ چمپئن شپ میں سکولز اور کالجز کے طلبا و طالبات حصہ لیں گے۔ اور ٹورنامنٹ میں دو کیٹگریز کے مقابلے رکھے گئے ہیں جن میں انفرادی اور ٹیم ایونٹ کے مقابلے شامل ہیں۔چیمپئن شپ دو روز تک جاری رہے گی اور اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔