اسرائیل کے شام میں دفاعی تنصیبات پر فضائی حملے، دو شامی فوجی ہلاک، 6 زخمی

بیروت(آئی این پی)اسرائیل نے شام کے وسطی علاقے میں دفاعی تنصیبات پر فضائی حملے کیے ہیں ،غیرملکی میڈیا کے مطابق شامی فوج نے ایک بیان میں کہا کہ اسرائیل نے گزشتہ رات کو لبنانی فضائی حدود سے شام کے وسطی صوبے میں فوجی مقامات کو میزائل حملے میں نشانہ بنایا جس سے تنصیبات کو نقصان پہنچا، شام میں صدر بشار الاسد کی جائے پیدائش کے قریب بحیرہ روم کے ساحلی شہر طرطوس پر اسرائیل نے فضائی حملہ کردیا جس میں دو شامی فوجی ہلاک اور چھ زخمی ہو گئے ہیں۔ واضح رہے کہ اسرائیل نے گزشتہ چند سالوں میں شام میں اہداف پر سینکڑوں حملے کیے ہیں تاہم زیادہ تر ساحلی صوبوں پر بمباری سے گریز کیا گیا ہے ان علاقوں میں روس کے اہم فوجی اثاثے موجود ہیں۔