روڈا سعودی تاجروں، غیر ملکی سرمایہ کاروں کو سرمایہ کاری فراہم کرےگا :احمد فاروق

لاہور(نوائے وقت رپورٹ)آج روڈا نے ریاض (سعودی عرب) میں ایک سرمایاکاری سیمینار "Horizon Redefined" منعقد کیا جس میں ایک بڑی تعداد میں مختلف مکتبہ فکر سے تعلق رکھنے والے لوگوں نے شرکت کی جس میں کاروباری حضرات، سعودیہ میں مقیم پاکستانی اور شاہی خاندان سے تعلق رکھنے والے عہداداران بھی شامل تھے۔ اس موقع پر سعودی عرب میں پاکستان کے سفیر، احمد فاروق نے کہاروڈا سعودی تاجروں، غیر ملکی سرمایہ کاروں کو سرمایہ کاری کے مواقع فراہم کرےگا ۔ہ راوی شہر کے وجود میں آنے سے نہ صرف بے پناہ کاروباری مواقعے فراہم ہونگے بلکہ لاہور کے ماحولیاتی مسائل کا حل بھی ہوگا۔احمد فاروق نے کہا پاکستان اور سعودی عرب کے تعلقات میں بہتری آرہی ہے۔