لاہور(سپورٹس رپورٹر)آسٹریلیا کے سابق اوپنر میتھیو ہیڈن نے ایشیا کپ میں سری لنکا کے خلاف سپر فور کے اہم مقابلے میں پاکستانی کپتان بابر اعظم سے اپنی توقعات کا اظہار کیا ہے۔ ہیڈن نے پاکستانی کپتان پر اعتماد کا اظہار کیااور کہا کہ بابر اعظم ایک چیمپئن ہیں وہ بار بار ان چیزوں سے واپس آتے ہیں کیونکہ چیمپئن یہی کرتے ہیں لہذا وہ پاکستانی ٹیم کی لائن اپ کیلئے کتنا اہم ہے۔ بابر نہ صرف اس لیے مرکزی ہیں کہ وہ کپتان ہیں بلکہ وہ بیٹنگ یونٹ میں بھی بالکل مرکزی ہیں۔پاکستان کے سابق مینٹور نے پاکستان کی بیٹنگ لائن اپ میں بابر کے اہم کردار پر زور دیا اور اس بات پر روشنی ڈالی کہ پاکستان کی بیٹنگ کی قسمت بابر کی فارم سے کتنی قریب سے جڑی ہوئی ہے۔