رائے ونڈ ،شیخوپورہ میں 37بجلی چور پکڑے گئے ‘ لاکھوں کے جرمانے  

رائے ونڈ،شیخوپورہ (نامہ نگار خصوصی) بجلی چوروں کیخلاف کریک ڈائون ‘ متعدد پکڑے گئے ۔رائے ونڈ‘لیسکو رائے ونڈ سب ڈویژن کا بجلی چوروں کیخلاف کریک ڈائون جاری ہے۔ لیسکو ٹیم نے 7بجلی چوروں کو رنگے ہاتھوں پکڑ لیا ۔ ملزم کنڈے ڈال کر بجلی چوری کرتے تھے۔ لیسکو حکام کے مطابق ملزموں کیخلاف مقدمات درج کرا کر 7لاکھ 65ہزار 682روپے ریکوری کی جائے گی۔ ایس ای لیسکو سرکل شیخوپورہ ایس ای عمربلال کی ہدایات پر ایکسین سٹی ڈویژن عامر نواز کی زیر نگرانی ایس ڈی او فورٹ سب ڈویژن سید اعزازاللہ نے اپنی ٹیم کے ہمراہ نائٹ چیکنگ کی جن میں لائن سپریڈنٹ محمد شفیق لائن سپریڈنٹ طارق انجم عابدرشید چیئرمین سب ڈویژن میٹر انسپکٹر برکت علی نیئر طارق نھتے دا میاں محمد بوٹا بابر سرویلنس ٹیم کے ہمراہ اور سٹاف نے مختلف علاقوں میں چھاپے مارے جن میں جیلانی گارڈن رسول نگر معراج پورہ محمد پورہ شاہ کالونی فاروق نگر شامل ہیں۔ بجلی چوروں کیخلاف کاروائیاں کرتے ہوئے تقریبا 30 بجلی چور پکڑے جو ڈائریکٹ ایل ٹی لائن سے میٹر ٹمپرنگ اور دوسرے ذرائع سے بجلی چوری کرتے تھے۔ ان کو ڈ بل کی شکل میں 40 ہزار یونٹ ڈالے گے جو روپے کی شکل میں22 لاکھ روپے بناتے ہیں اور متعلقہ تھانے میں بجلی چوروں کیخلاف 30 ایف آئی آر کا بھی اندراج کرایا ہے۔