لاہور( خصوصی نامہ نگار)دارالعلوم جامعہ نعیمیہ کے زیراہتمام عیدمیلاد النبیؐ کاسالانہ جلوس آج نکالا جائیگا جس کی قیادت ناظم اعلیٰ جامعہ نعیمیہ وچیئرمین اسلامی نظریاتی کونسل علامہ ڈاکٹرراغب حسین نعیمی کرینگے جبکہ شیخ الحدیث مولانا محبو ب احمدچشتی ،ڈاکٹرسلیمان قادری،مفتی ندیم قمر،مفتی عمران حنفی، مفتی قیصر شہزاد نعیمی خطاب کرینگے۔ ترجمان جامعہ نعیمیہ کے مطابق جلوس کاآغاز صبح10بجے ہوگاجو کہ جامعہ نعیمیہ سے گڑھی شاہو،کوئین میری کالج روڈ،لاہور پریس کلب،پولیس لائن سے ہوتاہوا دربار بی بی پاکدامن پر اختتام پذیر ہوگا۔لاہور پریس کلب کے باہرقائدین شرکاء سے خطاب بھی کریں گے۔