شیخوپورہ(نمائندہ نوائے وقت)پریس کلب سپورٹس گالا میں کھیلے گئے میچ میں یونائیڈ کرکٹ کلب نے سلطان کرکٹ کلب کو شکست دیکر ٹورنامنٹ میں اپنی گرفت مضبوط کر لی مین آف دی میچ کا ایوارڈ عظیم علی شیخ کو دیا گیا جنہوں نے ایک اوور میں چار کھلاڑیوں کو آؤٹ کیا، کپتان مبشر حسن بٹ نے بہترین کھیل کا مظاہرہ کرنے پر ٹیم کو مبارکباد دی ، اس موقع پر کوچ عبدالحمید بھٹی،حاجی سلطان حمید راہی، شیخ امتیاز احمد،شیخ ثناء اللہ، صفدر شاہین، امجد علی سلطانی، عمران امین، ثمر اقبال، مجاہد شامی، حنیف تبسم، محمد عالم، ملک عمران، میاں شفیق، محمد احمد و دیگر کھلاڑی موجود تھے، مین آف دی میچ کا ایوارڈ حاصل کرنے کے بعد میڈیا سے گفتگو کرتے عظیم علی شیخ نے کہا کہ ٹیم کیپٹن کی ہدایت پر ہمیشہ بہترین کھیل پیش کرنے کی کوشش کی اور اللہ کا شکر گزار ہوں جس نے مجھے اپنی ٹیم کی جیت میں کلیدی کردار ادا کرنے کا موقع دیا، علاوہ ازیں آج یونائیڈ کلب اور قلندر کلب کے مابین میچ کھیلا جائیگا۔