گوجرانوالہ(نمائندہ خصوصی)تھانہ کینٹ پولیس کی بدنام زمانہ دو منشیات فروش ابتہاج عرف ببلواور ذوالفقار عرف بابا زلفی کو گرفتار کر لیا۔ریکارڈیافتہ ملزمان کے قبضہ سے مجموعی طور پر 32 کلو سے زائد چرس اور کار برآمد کر لی۔تفصیلات کے مطابق سٹی پولیس نے ملزم ابتہاج عرف ببلو کے انکشاف پر اس کے رہائشی کوارٹر سے 12کلو گرام چرس برآمد کرلی۔ گرفتار ملزم ابتہاج عرف ببلو منشیات فروشی، اغواء  و دیگر سنگین مقدمات میں ریکارڈ یافتہ ہے۔مزید برآں کینٹ پولیس نے منشیات فروشی کے دھندے میں ملوث اور ریکارڈ یافتہ ملزم ذوالفقار عرف بابازلفی کو گرفتار کر کے اس کے قبضہ سے 20 کلو400 گرام چرس اورہنڈاسٹی کار برآمدکرلی۔دوران تفتیش ملزمان نے انکشاف کیا کہ وہ گوجرانوالہ اور اس کے مضافات میں نوجوانوں کو منشیات فروخت کرتے تھے۔