گوجرانوالہ:پہلی پنجاب پریمئر لیگ کے لیے تیاریاں مکمل

گوجرانوالہ(نمائندہ خصوصی )گوجرانوالہ میں پہلی پنجاب پریمئر لیگ کے لیے تیاریاں مکمل کر لی گئیں،فلڈ لائٹس میں ٹی ٹوینٹی کرکٹ کے مقابلے 4سے 11اکتوبر تک ہوں گے جس میں صوبہ بھر سے 8ٹیمیں حصہ لیں گی اور کل 15میچز کھیلے جائیں گے،ان خیالات کا اظہار کمشنر سید نوید حیدر شیرازی نے پریس کانفرنس سے خطاب کرتے ہوئے کیا ڈپٹی کمشنر محمدطارق قریشی پاکستان کرکٹ ٹیم کے سابق کھلاڑی توفیق عمر،سی ای او پنجاب پریمئر لیگ عبدالرئوف نے بھی اظہار خیال کیااس موقع پر پنجاب پریمئر لیگ اور ضلعی انتظامیہ گوجرانوالہ کے درمیان ٹورنامنٹ کے انعقاد کے لیے ایم او یو پر دستخط بھی کیے گئے۔کمشنر سید نوید حیدر شیرازی نے کہا کہ پنجاب پریمئر لیگ کے تمام مقابلے جناح اسٹیڈیم میں ہوں گے۔ ٹورنامنٹ میں حصہ لینے والی تمام ٹیمیں پنجاب سے ہوں گی تا ہم ان ٹیموں میں ملک بھر سے پاکستان کرکٹ کے انٹرنیشنل اور نیشنل سٹارز شامل ہوں گے۔