چینی قیادت کا پاکستان کی سالمیت، خودمختاری کی غیر متزلزل حمایت کا اعادہ

بیجنگ +اسلام آباد(نوائے وقت رپورٹ+اپنے سٹاف رپورٹر سے) چیئرمین جوائنٹ چیفس آف سٹاف کمیٹی جنرل ساحر شمشاد مرزا چین کے سرکاری دورے پر ہیں، جہاں انہوں نے چین میں وائس چیئرمین سینٹرل ملٹری کمشن سے ملاقات کی۔ جوائنٹ چیفس آف سٹاف کمیٹی کی چیف آف جوائنٹس سٹاف ڈیپارٹمنٹ جنرل لیوز ینلی سے بھی ملاقات ہوئی۔ آئی ایس پی آر کے مطابق جنرل ساحر شمشاد مرزا نے بیجنگ ژیانگ شان فورم میں علاقائی امن و استحکام میں پاکستان کے کردار پر گفتگو کی۔ ملاقاتوں کے دوران پاک چین تاریخی اور گہرے تعلقات کو سراہا گیا جبکہ دوطرفہ سٹریٹجک تعاون اور دفاعی تعلقات میں حوصلہ افزا ترقی کا اعتراف کیا گیا۔ چینی قیادت نے پاکستان کی علاقائی سالمیت و خود مختاری کیلئے غیر متزلزل حمایت کا اعادہ کیا۔