اسلام آباد: جمعیت علمائے اسلام (جے یو آئی ف) نے وفاقی حکومت کو عدلیہ سے متعلق آئینی ترامیم کو فی الحال مؤخر کرنے کا مشورہ دے دیا۔سربراہ کے جے یو آئی (ف) مولانا فضل الرحمان سے حکومتی اور اپوزیشن وفد کی علیحدہ علیحدہ ملاقاتوں کے بعد مولانا عبدالغفور حیدری نے میڈیا سے گفتگو کی جس میں ان کا کہنا تھا کہ ہمیں اب تو آئینی ترامیم کا ڈرافٹ نہیں ملا۔مولانا عبدالغفور حیدری نے کہا کہ آئینی مسودے پر جے یو آئی (ف) کی مختلف جماعتوں سے ملاقات ہوئی. (ن) لیگی رہنماؤں سے کہا کہ جب تک ڈرافٹ نہیں دیں گے تو پڑھیں گے کیسے؟ ہم نے مشورہ دیا کہ آئینی ترامیم مؤخر کریں تاکہ مشاورت ہو۔انہوں نے کہا کہ حکومت کو کہا کہ آئینی ترامیم میں جلدی نہ کریں. اجلاس میں مؤقف رکھیں گے آئینی ترامیم کی اتنی جلدی کیا تھی؟ حکومت آئینی ترمیم میں جلدی کرے گی تو حمایت کی پوزیشن میں نہیں ہوں گے۔ان کا کہنا تھا کہ حکومت کو مشورہ دیا ہے ڈرافت دیں تاکہ ہم اور دیگر لوگ پڑھیں. حکومت سے مزید سوچ بچار کیلیے وقت مانگا ہے۔مولانا عبدالغفور حیدری نے کہا کہ حکومت نے اجلاس بلا لیا ہے ہم نے سوچا ہے اجلاس میں شرکت کریں گے. اجلاس میں جا کر کہیں گے کہ آئینی ترامیم لانے کی اتنی جلدی کیا تھی؟ حکومتی ٹیم سے بل پیش کرنے میں جلدی نہ کرنے کی گزارش کی ہے۔