فیصل آباد(سپورٹس ڈیسک) انٹر نیشنل بیچ بال چیمپئین شپ فیصل آباد میں شروع ہوگئی، ٹورنامنٹ میں پاکستان، نیپال اور افغانستان کی ٹیمیں شامل ہیں۔ زرعی یونیورسٹی فیصل آباد میں ہونے والی چیمپئین ٹرافی کے افتتاحی میچ میں پاکستان وائٹ نے نیپال اور پاکستان گرین نے افغانستان کو شکست دے کر ٹورنامنٹ کا فاتحانہ آغاز کیا۔ ٹورنامنٹ میں پاکستان، نیپال، اور افغانستان کی ٹیمیں حصہ لے رہی ہیں۔ تاہم بھارت کی ٹیم یقین دہانیوں کے باوجود ایونٹ میں شرکت کرنے کیلئے پاکستان نہیں پہنچی۔شائقین کا کہنا تھا کہ اگر بھارت کی ٹیم بھی شرکت کرتی تو ایونٹ زیادہ دلچسپ ہوتا۔ جبکہ بدھ کو دوسرے روز نیپال اور افغانستان کے درمیان پاکستان وائٹ اور پاکستان گرین کے درمیان میچز کھیلے جائیں گے۔