راولپنڈی (آن لائن) چیف آف آرمی سٹاف جنرل راحیل شریف نے فوجی جوانون کو ملٹری اعزازات سے نوازا۔ اس سلسلے میں جنرل ہیڈ کوارٹرز راولپنڈی میں ایک تقریب منعقد ہوئی جس میں فوجی اعزازات وصول کرنے والے فوجی جوانون کی بڑی تعداد اور ان کے رشتہ داروں نے شرکت کی۔ دس افسروں اور 20 سپاہیوں کو تمغہ بسالت‘ 22 افسروں کو ستارہ امتیاز اور تین فوجیوں کو اقوام متحدہ میڈل سے نوازا گیا۔ شہداء کے میڈلز ان کے اہلخانہ نے وصول کئے۔